مرسته     |     دپاڼي نقشه     |     ننوتل
دخپریدو نیټه : 2007-08-25   مخپرونکئ : عُمر واحديار

سلمان خان خپل ځان محکمې ته حاضروي

عمر واحديار

 

د باليووډ مشهور فلمي ستورى سلمان خان وايي دى نن له ممبى څخه جودهپور ته ځي او خپل ځان به خپله هغې محکمې ته وسپاري چي د پنځه کلن بند سزا يې ورته اورولې ده.
نوموړى وايي زه د هند يو ذمه دار تبعه يم او قانون ته احترام لرم.
پر سلمان خان باندي تور دئ چي د ١٩٩٨ د سپټمبر په مياشت کي يې د يوه فلم د شوټنګ پر وخت په غير قانوني توګه د هوسيو ښکار کړى دئ چي له امله يې د راجستان ايالت يوې محکمې دوې ورځي وړاندي نوموړى د پنځو کالو په بند محکوم کړ.
سلمان خان وايي زه د خپل وکيل په سلا مشوره هر ګام اوچتوم، نه غواړم چي پوليس مي محکمې ته حاضر کړي، ځکه اوس خپله ځان حاضروم.

د يادوني وړ ده هغه هوسۍ چي سلمان خان يې په ښکار تورن دئ، په هندي مذهب کي د يو ډول سپېڅلتوب په سترګه ورته کتل کېږي.

Answer Machine : + 1 (518) 5577770   --   USA Tel : +1 20 38 202020   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2018   All Rights Reserved     Powered by:Benawa Network     Design by: Khalid Hadi Hiadery