دخپریدو نیټه : 2010-02-10 مخپرونکئ : ۸۵ بېنوا - هرات

دیوې صفحې او یاکړکۍ عکس واخلئ .

بعضي وختونه داړتیا له مخي دوینډوز او یاهم دبعضو فایلونو دعکسونو درلودل ډېر اړین وي چي باید خپل دمطلب سره دیوه څرګند او واضع پیغام په خاطر ، مل کړئ ، ددې کار داجراء کېدو لپاره تاسو ولاندي مطلب ته رابولم .

دعکس اخیستو لپاره :

۱:- له دې لاندي کارونو څخه یو ئې عملي کړئ .

· د ټولي صفحې دعکس اخیستني لپاره د Prt Scr تڼۍ کښېکاږئ .

· دیوې خاصي کړکۍ او یا فولډر دعکس اخیستني لپاره ، لومړی هغه کړکۍ یا فولډر راخلاص او بیا د alt په نیولو سره د Prt Scr تڼۍ له کیبورډ څخه کښېکاږئ .

۲:- کله چي مو دخپل داړتیا وړ عکس له یوې کړکۍ څخه واخیست ، دایدیټ لپاره ئې په یوه پروګرام کي Paste کړئ ، دبېلګي په توګه د Ms Paint پروګرام کي .

ددې پروګرام دخلاصولو طریقه :

۱:- سټارټ مېنو کلیک کړئ .

۲:- د All Program دکلیکولو وروسته د Accessories مېنو انتخاب کړئ .

۳:- له څرګندي سوي مېنو څخه د Paint پروګرام کلیک کړئ ، ترڅو نوموړی پروګرام درته خلاص سي .

۴:- دپینټ پروګرام دخلاصېدو وروسته د Edit مېنو څخه د Paste کمانډ ووهئ چي ستاسو مخکنی اخیستل سوی عکس سرېښ کړي .

اوس کولای سئ چي خپل تغیرات پراخیستل سوي عکس راولئ .

دایدیټ لپاره دغه پروګرامونه هم استعمالولی سئ .