په كندهار كي د فوټبال دري ورځني تورنمنت پاي ته ورسيدي.

 
پدغه دري ورځني تورنمټ كي شپږ لوبډلو برخه درلوده،او د دريو ورځو لپاره يي يو د بل سره لوبي تر سره كړي.
دغه لوبي په احمدشاهي ورزشي سټوډيوم كي په لاره اچول سوي وي.
د كندهار د فوټبال فدراسيون فني مرستيال شاه فاروق اغا ددغه لوبو د په لاره اچولو موخه د ځوانانو سالمه بوختيا په ګوته كوي.
د فدراسيون له لوري د فوټبال دغه شان دوستانه سيالي د ځوانانو د ورزشي سطحي په لوړولو كي مهم رول لري.
ګڼ لوبغاړي وايي چي د فوټبال لوبه په دغه ولايت كي ډيري مينه وال لري.
هغه وايي چي د فوټبال فدراسيون مسئولين او د المپيك امريت چارواكي بايد ددوي لپاره دغه شان نوري سيالي هم په لاره واچوي.
بلخوا په نژدي راتلونكي كي به په دغه ولايت كي د فوټبال د ۱۲ اي لوبډلو ترمنځ لوبي تر سره سي.
شاه فاروق اغا ددي مطلب د څرګندولو ترڅنګ وويل چي يادي لوبي د منتخبي لوبډلي د جوړولو په موخه دايريږي.
ددغه ولايت د ورزشي چارو د مسئولينو له لوري د منتخبي لوبډلي د جوړولو هڅي په داسي حال كي پيل سوي،چي تير كال د كندهار فوټبال لوبډلي د هيواد په كچه سياليو كي له ماتي سره مخ سوه.
په تيرو دوو كلونو كي كندهار د زون په كچه سياليو كوربني وو.