د ایلیټ په سیالی کې پکتیا او میدان وردګ کرکټ لوبډلو پای لوبې ته لار پیدا کړه
د افغانستان کرکټ بورډ لخوا هغه سیالی (ټورنمینټ) چې د ولایتي غوراوی سیالی (ایلیټ کپ) په نوم د ننګرهار د ګلو هار ولایت په مارکو او بهسودو لوبغالو کې پیل شوي، نن د پکتیا لوبډلې او د میدان وردګ لوبډلې پای لوبې ته لار ومونده. پای لوبه به سبا په بهسودو لوبغالي کې د نوموړو لوبډلو ترمینځ ترسره شي. د جوړشوي پروګرام له مخې به د ایلیت جام دا سیالی د ننګرهار د ملي رادیو او تلویزون نه هم په ژوندی بڼه نشر شي.
هغه لوبې چې نن ترسره شوي(پکتیا، بغلان) د هغې حال:
نن په بهسودو لوبغالي کې د پکتیا او بغلان ولایت کرکټ لوبډلو ترمینځ لوبه وشوه چې د پکتیا ولایت لوبډلې وګټله. ټاس بغلان ولایت وګاټه او خپله یې د توپوهنې فیصله هم وکړه. پدې ۵۰ اوریزه لوبه کې د بغلان ولایت کرکټ لوبډلې په ۱، ۳۱ اورونو کې د ټولو لوبغاړو په سوځیدو سره ۱۳۶ منډې مقابلې لوبډلې ته هدف وټاکه. د دوی اوپنران جمعه ګل او شوکت ول. جمعه ګل د ۲۹ منډو له جوړیدو وروستو د احمدشاه لخوا اووټ شو او شوکت په ۷ منډو باندې دولت وسوځاوه.
کله چې د پکتیا لوبډلې لوبه پیل کړه، دوی په ۲۳،۴ اورونو کې د دریو لوبغاړو په سوځیدو سره ټاکل شوي هدف ته ځانونه ورسول او دا مهمه لوبه یې وګټله. د دوی لوب پیلي (اوپنران) آفسر ځاځی او فضل نیازی ول. افسر ځاځی له ۶۲ منډو جوړیدو وروستو د زاهد په توپ اووټ شو او فضل نیازی په ۲۵ مه (پنځویشتمه) منډه باندې رن اووټ شو. د دې لوبې غوره لوبغاړی ( مین آف د میچ ) فضل نیازی ونومول شو.
سبا به پای لوبه (فاینل لوبه) ترسره شي.
په پای لوبه کې چې د پکتیا او میدان وردګ لوبډلې ګډون لري، دوی به په بهسودو لوبغالي کې سره ولوبیږي.
هرې لوبډلې چې د ایلیټ جام وګاټه هغې ته به د نومړي سیالی جام د شاندارو مراسیمو په ترڅ کې ورکړل شي
