مرسته     |     دپاڼي نقشه     |     ننوتل
دخپریدو نیټه : 2012-11-01   مخپرونکئ : 039 - دبېنوا اداره - کابل

زه او سپوږمۍ شعری غورچاڼ چاپ شو

د ځوان شاعر او ژورنالیست صداقت غورځنګ په زیار یو نوی ښکلی شعري غورچاڼ(زه او سپوږمۍ) تازه چاپ او د کتاب بازار ته وړاندې شو.
دا کتاب سدیس سینا خپرندویې ټولنې له ننګرهاره د خپل لومړني چاپي اثر په توګه په دوو زرو ټوکونو کې د نوي شاعرانو د شعرونو په لرلو سره خپور کړی دی.
پر دې اثر د جلالکوټ ادبي خوځښت مشر ارشاد رغاند او د کونړ اونیزې مسول مدیر ضیاالرحمان سپین غر لنډ یادښتونه لیکلي.
د راټولونکي یادښت هم چاپ شوی.
ده لیکلي، چې د شعرونو په انتخاب کې یې ملګرتیا نه ده پاللې او هڅه یې کړې، چې په معیار او هنر برابر شعرونه خپاره کړي.
د ښاغلي غورځنګ تردې مخکې د ټپیزو یو کتاب هم چاپ شوی و، چې د نکریزو شپه نومیده.
د غورځنګ درې نور کتابونه لا چاپ شوي نه دي، چې یوه یې د ټپیزو دی او (ماته خو ښه معلوم یې یاره)بل د نېمو شپو خبرې د لنډو کیسو ټولګه او بل هم د لوپټې په نامه د پېغلو نجونو شعري غورچاڼ دی.
د نوي کتاب د چاپ له امله ورته مبارکي وایم او د نورو بریو په هیله یې یم.
Answer Machine : + 1 (518) 5577770   --   USA Tel : +1 20 38 202020   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2018   All Rights Reserved     Powered by:Benawa Network     Design by: Khalid Hadi Hiadery