مرسته     |     دپاڼي نقشه     |     ننوتل
دخپریدو نیټه : 2013-07-01   مخپرونکئ : 049 - دبېنواخبریال - کندهار

کندهار : د فوټبال په لوبه کې څلور غوره لوبغاړي اعلان سوه .

لودين

په کندهار کې د سلګونو ځوانانو له لوري د کندهار فوټبال غوره لوبغاړي معلوم او تيره ورځ د يو لړ ځانګړو مراسمو پر مهال اعلان سوه .
په دې اړه  د کندهار د ځوانانو شورا او  کندهار فوټبال فيس بوک پاڼي له لوري يوه سيالي په لاره اچول سوې وه چې پوره لس ورخي يې دوام وکړ .
د غوره لوبغاړو د ټاکلو دپاره په هيواد کې دننه او د هيواد نه بهر زرګونه کسانو رايي کارولي وي چې په پايله کې يې د دفاع په برخه کې نصيراحمد ، د مرکز په برخه کې عبدالسميع غيرتمل ، د فاروډۍ په برخه کې قدوس ساحل او د ټرېنرۍ په برخه کې انجينر امان الله کامران ډيري رايي وړي وي او په يادو برخو کې غوره لوبغاړي وټاکل سوه .
تيره ورځ مازيګر په دې اړه يو لړ مراسم جوړ سوي وه چې پر مهال  يې ياد کسان په ايوارډونو او ستاينليکونه ووياړل سوه .
د کندهار د اطلاعاتو او کلتور رييس دواخان مينه پال ، د ځوانانو د شورا مشر ناصر مبارز ، د ورزشي امريت مرستيال مدير اغا   او نورو ويناوالو د کندهار فوټبال پياوړی وباله او دا ډول ازاد رقابتونه يې  د ځوانانو د هڅوني دپاره خورا اړين او ګټور ياد کړل .
کندهار چې له ډېر پخوا څخه په فوټبال کې نوم لري دا مهال هم تکړه ځوانان لري چې په ولايتي سياليو کې تر ډيره څايه خورا ښه ځليدلي دي .


 

Answer Machine : + 1 (518) 5577770   --   USA Tel : +1 20 38 202020   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2018   All Rights Reserved     Powered by:Benawa Network     Design by: Khalid Hadi Hiadery