مرسته     |     دپاڼي نقشه     |     ننوتل
دخپریدو نیټه : 2016-10-17   مخپرونکئ : 103 - دبېنواخبریال - کابل

ارګ: هېڅ دولتي اداره حق نه لري چې له رسنیو معلومات پټ کړي

Ahmadullah Samoon
د ارګ ماڼۍ وايي، له دې وروسته هیڅ دولتي اداره حق نه لري چې معلومات له رسنیو او خلکو پټ کړي. د ولسمشر محمد اشرف غني ویاند هارون چخانسوري نن په کابل یوې خبرې ناستې ته وویل چې ولسمشر غني اطلاعاتو ته د لاس رسي په برخه کې فرمان صادر کړی او ټولې دولتي ادارې د دغه فرمان پر پلي کولو مکلفې دي. اطلاعاتو ته د لاس په برخه کې د ولسمشر دغه فرمان اووه مادې لري چې له مخې یې د ټولو دولتي ادارو ویاندویان د قانون له مخې اړ دي چې معلومات د رسنیو او د عامه خلکو په واک کې ورکړي. په ورته وخت کې د ازادو رسنیو د ملاتړ د ادارې یا نۍ مشر صدیق الله توحیدي د ولسمشر دغه فرمان د اطلاع رسونې په برخه کې خورا ګټور ګام بولي.
Answer Machine : + 1 (518) 5577770   --   USA Tel : +1 20 38 202020   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2018   All Rights Reserved     Powered by:Benawa Network     Design by: Khalid Hadi Hiadery