مرسته     |     دپاڼي نقشه     |     ننوتل
دخپریدو نیټه : 2016-10-21   مخپرونکئ : 103 - دبېنواخبریال - کابل

حاجي نانی: روان کال کندهار نه ۵۷۰۰ ټنه انګور صادر سوي

Kamal
د کندهار د تازه مېوې سوداګر وايي سږکال يې د دوه نيم مليونه امريکايي ډالرو په ارزښت انګور نورو هېوادونو ته صادر کړي دي. په کندهار کې د تازه مېوې د ټولنې مشر حاجي ناني ازادي راډيو ته وويل، دوى پنځه زره او اووه سوه ټُنه انګور پاکستان او هندوستان ته صادر کړي دي. د ده په خبره سږکال د صادراتو په برخه کې دوى ځينې ستونزې هم درلودې: "سږکال مو پنځه زره او اووه سوه ټُنه انګور صادر کړي چې د ګمرک اسناد يې لرو، په هېواد کې د انګورو بازار خراب و او پاتې هم سول، ځکه چې پاکستان د يوې مياشتې لپاره لار بنده کړې وه." په کندهار کې د تازه مېوې د ټولنې مشر وايي پاکستان ته له راجسټر پرته هم په زياته پيمانه انګور صادر سوي دي. حاجي نانى وايي اوس د انګورو صادرات په څو ورځو کې پاى ته رسېږي او له کندهاره نورو هېوادونو ته د انارو صادرات پيل سوي دي.
Answer Machine : + 1 (518) 5577770   --   USA Tel : +1 20 38 202020   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2018   All Rights Reserved     Powered by:Benawa Network     Design by: Khalid Hadi Hiadery