مرسته     |     دپاڼي نقشه     |     ننوتل
دخپریدو نیټه : 2016-12-02   مخپرونکئ : 039 - دبېنوا اداره - کابل

د ښايستونو او ښګلاګانو نړۍ!

سليمان،زهیر

 کله چې د خپل چاپيريال رنګينيو، ښايستونو او جوړښتونو ته ځير شم، نو د دې کايناتو د ټولواک او ساتونکي عظمت ته په سجده پريوځم، چې خدايه ! ستا له قدرتونو نه ځار، ستا پر ځمکه ستا پر بنده ګانو د شويو نعمتونو او پيرزوينو نه ځار؛ ستا په کايناتو کې دا بې سياله او بې جوړې نوښت او جوړښت د دې ښکارندوی دی، چې ته له هغې ډير ډير ستر او عظيم يې، چې موږ يې تصور کوو.
د سليم عقل خاوندان که يواځې د ځمکې پر مخ په غوړيدلي نظام کې د هغې پر ښګلاګانو څو شيبې غور وکړي، ضرور به د دې نظام په جوړښت کې داسې څه پيدا کوي، چې د تل دپاره به د هغه/ هغې د سعادتمندۍ مشال وي؛ د همدې تفکر او تعقل پايله به د دغه انسان د تلپاتې بې لارۍ او ګمراهۍ نه د بچ کيدلو او ساتلو په قيمت منتج کيږي.
الله اکبر!!
خدايه! ته له هغې ډير ډير لوړ او عظيم يې، چې موږ يې تصور کوو، خدايه ته د خپلو نعمتونو او پيرزوينو په څپو کې موږ له سمې لارې مه کږوه، راته هدايت او لارښوونه وکړه، پر نيغه لار د پاتې کيدو توان او توفيق را، د دې بې معنويته نړۍ مصائيبو ته مو يوازې او تنها مه پريږده
Answer Machine : + 1 (518) 5577770   --   USA Tel : +1 20 38 202020   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2018   All Rights Reserved     Powered by:Benawa Network     Design by: Khalid Hadi Hiadery