په روژه کي دپيچکاری لګولو حکم :
فتوی نمبر (۷۴۳).
مفتي :
سترعلمي اوروحاني شخصيت علامه محمدمعين الدين ابوالفضل ، افغاني کان الله له ودامت برکاته.
مستفتي : جلال الدين سعودي عربستان.محمدنجیب لندن .
السلام عليکم
محترم مفتي صاحب زماپوښتنه داده چي په پيچکارئ لګولو سره روژه ماتيږي اوکه نه ؟ ستاسي دجواب په انتظار.
الجواب ومنه الصواب:
پچکارئ که په غوښه کي وي اوکه په رګ کي دروژې دپاره نقصاني نه ده.
داځکه چي په دې طريقه سره دوا وباطن ته دمساماتو په ذريعه رسيږي ، اودمنافذو په ذريعه نه رسيږي.
ځکه چي دلاسو،پښو اودنس په منځ کي هيڅ لاره نشته .
في الفتاوي الهندية : ومايدخل من مسام البدن من الدهن لايفطر ، هکذافي شرح المجتمع.
الفتاوي العالمګيريه/ج۱،ص۲۰۳/باب مايفسد ومالايفسد.
اوکه په غوږ کي پيچکارئ ولګولي سي اودماغ ته دواورسيږي نو روژه ماته ده :
قال الحصکفي: اواحتقن اواواستعط في انفه شيئا اواقطرفي اذنه دهنااوداوی جائفة اوآمة فوصل الدواءحقيقة الي جوفه ودماغه ، قال ابن عابدين : قوله:(الي جوفه ودماغه) قال في البحر والتحقيق ان بین جوف الرأس وجوف المعدة منفذ فمایصل الی جوف الرأس وصل الی جوف البطن.
ردالمحتارعلی هامش درالمختار/۲/۱۱۱.