نن د يوې خبري ناستې پر محال د هلمند مدني فعالانو په پېژندپاڼو کې د افغان د کلمې د نه ليکلو په اړه غبرګون وښود.
د يادې ټولنې مشر سردار محمد همدرد له رسنيو سره په خبرو کې په پېژندپاڼو کې د افغان کلمې نه ليکل پر ملي هويت تېری وباله او ډېره يې کړه چې ولسمشر بايد دې ټکي ته جدي پاملرنه وکړي.
دغه راز د هلمند مدني ټولنې بېلابېلو غړو په تذکرو کې د ملي هويت افغان نه ليکل د ګاونډيو استخباراتي کړيو دسسيه وبلله، دوی وايي چې: د سر په بيه به له خپلو ملي ګټو او ملي هويت ساتنه کوي.
د يادې ټولنې فعالان له ولسمشر ټينګه غوښتنه کوي چې په پېژندپاڼو کې دې د دوی افغاني هويت افغان کلمه وليکل شي، دوی دغه راز وويل که غوښتنه يې ونه منل شي نو تر دې وروسته به د ټول هلمندي ولس په ګډون پراخ لاريونونه پيل کړي.
په ټول هېواد کې مدني ټولنو او نورو بنسټونو هغه وخت خپل غبرګون وښود چې په تذکرو کې د افغانانو د ملي هويت پېژندنه ونه شوه او د ولسمشر لخوا تو شېح شو.
که په نويو پېژندپاڼو کې د افغان کلمه ونه ليکل شي او ملي هويت تر پښو لاندې شي، نو ښايي په ټول هېواد کې پراخ لاريونونه پيل شي.