یوسلو نهه سرحدي پولیس د لومړنیو زده کړو فارغ شول .

په بېنوا کي دلیکني شمیره : 68016
راحیله جواد
دخبریدو نیټه : 2017-09-19

ننګرهار ولایت کې د سرحدي پولیسو لومړۍ لوا قوماندانۍ د تعلیمي مرکز څخه ۱۰۹ تنو ته د سرحدي پولیسو په لیکو کې د دندې ترسره کولو په موخه لومړنۍ دوه میاشتنۍ زده کړې ورکړل شوې او د یو لړ مراسمو په ترڅ کې ورته فراغت لیکونه ورکړل شول.

په همدې موخه جوړو شوو مراسمو کې د سرحدي پولیسو د لومړۍ لوا قوماندان مل پاسوال محمد ایوب حسین خیل فارغ شوو سرتېرو ته د مبارکۍ ترڅنګ دوی په ختیځو ولایتونو کې د دندې ترسره کولو پر مهال خپلو سرحدونو څخه کلکې ساتنې په موخه را جلب کړل.

هغه سرتېرو ته لارښوونه وکړه،چې د دندې پر مهال سرحدي ولسونو سره د نیکو اړیکو له مخې خپلې دندې پرمخ یوسي او د خلکو په مرسته د خپلو سرحداتو څخه ساتنه وکړي.

په مراسمو کې فارغو شوو سرتیرو د عسکري سوګند د تر سره کولو پر مهال ژمنه وکړه،چې په پوره ایماندارۍ سره به د خپلې خاورې څخه ساتنه او پالنه وکړي.
د مراسمو په وروستۍ برخه کې فارغ شوو سرتېرو ته فارغت لیکونه او یو شمیر نورو منسوبینو ته برابر شوي ستاینلیکونه ورکړل شول .