په لویدیز کې سیاسي چارې په نوم کتاب له چاپه
راووته. دا کتاب په مانچسټر مټروپولیټن پوهنتون کې د سیاست په اړه د پروفیسور پیټر جایس د لکچرونو ټولګه
ده، چې ځوان لیکوال او ژورنالیست احمد زبیر ژمن له انګلیسي نه پښتو کړی دی.
کتاب په لویدیز کې په سیاسي
چارو او د حکومت په سیستمونو راڅرخي. ۱۴ څپرکي لري، چې بیلابیلې موضوع ګانې لکه : سیاسي جوړښتونه، ټاکنې او د
ټاکنو سیستمونه، ګوندونه او ګوندي سیستم ، د رسنیو رول، اساسي قانون او د دولت درې ګونې قوې، پکې څیړل شوي دي.
کتاب ۲۸۰ مخه دی او ژباړن پرې ۱۸ مخه څیړنیزه سریزه کښلې ده او د نوي افغانستان د ۲۶۰ کالیزې په ویاړ د
افغانستان د کلتوري ودې د ټولنې له خوا د دانش خپرندویې ټولنې په تخنیکي ملتیا خپور شوی دی. کتاب د سیاست د علم
زده کوونکو او مینه والو ته د یاد شویو موضوعاتو په اړه په زړه پورې معلومات وړاندې کوي.
