خشونت

د کابل – سرينا  پر هوټل (  د سيمينار محوه خشونت عليه زنان )  شعارونه ځړېدلي  وو . 
د هوټل غولي کې لوکس موټر ولاړ وو ، شيبه  وروسته ډله _  ډله ، نجونې او ميرمنې چې په غاړو کې يې طلايي زنځيرونه ځنګېدل را ووتې .
 يوې چې له غاښونو يې د کبابوپاتې شونې په وچکي راويستې وويل : دغه سيمينارونه بايد نور هم جوړ شي ، موږ ښځې بايد خپل حقونه وپېژنو اودفاع ترې وکړو ، ترڅو به له موږ سره خشونت وي ! ؟
يوې بلې چې پرشونډو يې تازه لب ستک ( لب سرين ) راتېر کړى و ، په احتياط شونډې بېرته کړې :
 اوس نو هغه وخت ت� �لى چې ښځو ته به چا دانسان په سترګه نه کتل ، حقونه به يې تر پښو لاندې و ، اوس ديمکراسي ده .
 هغې لا خپله  خبره پسې غځوله چې دوه ميندې يې مخ ته را تاوې شوې .
د يوې له غاړي د ماشوم وچ او چاودلي لاسونه راتاو و او بلې خپ� �ه  وړه  ښپې يبله لور چې له يخنۍ تکه شنه اوښتې وه ،  له لاسه نيولې وه .
 يوې غږ کړ :  خوېندو ماشوم ان مې له لوږې مري ، بيمار دي  ، تاسو ته  د يوې مور درد ښه معلومېږي د خداى په خاطر څه راکړئ .
 له هوټ� �ه  راوتلې يوې ميرمنې په قهر له غاښونو وچکى وغورځاوه :
همدا تاسو د ښځو نوم بد کړى ، دا وخت وګوره او ستا س� �يقه !
بلې غږ کړ : تاسو غوندې بې ذوقه ښځې چې وي ، موږ به ښه خپل حقونه ترلاسه کړو ، خشونت به ښه ورک شي .
هغو� �  روانې شوې او سوالګرو ميندو تر ډېره  د هغوى  تورو  دستکولو ته کتل چې    په اوږو کې يې ټالۍ وهلې .

کابل