قرآني رياضي د پښتو د تکړه محقق، ليکوال او ژباړن ښاغلي ډاکټر نثاراحمد صمد هغه نوی اثر دئ، چي په دې وروستيو کي په کاناډا کي د افغان رسالې له خوا په څلور سوه اته مخونو کي په ښکلي صحافت د زرو ټوکو په تيراژ چاپ او خپور سو.
په نوموړي کتاب کي د قرآنکريم بېلابېل موضوعات د رياضي د علم له پلوه په علمي او اکاډيميکه توګه څېړل سوي او دا پکښې څېړل سوې چي لوی خدای د خپل کتاب ټول موضوعات، کلمات، آيتونه او سورتونه د ياد سوي علم له مخي په تول پوره او بشپړ ثابت کړي، چي دا پخپل ځان کي د دغه وروستي آسماني کتاب حقانيت ثابتوي.
په پښتو ژبه کي د دغه ډول علمي او اکاډيميک اثر ليکل يوه لويه او غنيمت خبره ده، چي په دې لاره کي افغانان بايد د کتاب د ليکوال ښاغلي ډاکټر نثاراحمد د زحمت او خوارۍ کښلو او په دې لاره د دغه ډول يوه بکر اثر رامنځته کولو مرهون واوسي، ځکه په پښتو کي لا تر اوسه په دغه ډول وضاحت او کيفيت د يوې ځانګړې موضوع لپاره کوم مستقل اثر نه و موجود.
د نوموړي کتاب د تر لاسه کولو لپاره د لاندي ادرسونو څخه استفاده وکړئ:
افغان رساله – ټورنټو - کاناډا
Web: www.afghanpost.com
E-mail: afghanpost@rogers.com
Tel: (905) 472 – 9081 Fax: (905) 472 – 4684
علامه رشاد خپرندويه ټولنه – کندهار- افغانستان
m_rohyal2006@hotmail.com
ګرځنده ټليفون: ۷۰۰۳۲٦۰۱۱ (۰) ۰۰۹۳
