دخپریدو نیټه : 2009-09-12 مخپرونکئ : 049 - دبېنواخبریال - کندهار
کندهار : دفوټ بال سيالى پيل سوي
احمد لودين
په کندهار کي د څلورو ليسو تر منځ د فوټ بال لوبي څلور ورځنۍ سيالۍ په کندهار کي د ځوانانو داړيکو او معلوماتو د دفتر لخوا په لاره اچو ل سوي دي چي ميرويس نيکه ، احمدشابابا، محمود طرزي او صوفي صاحب ذکور ليسو برخه پکښي اخستي ده . د ځوانانو داړيکو او معلوماتو د دفتر مسوول عبدالسميع غيرتمل بينوا ته وويل چي نوموړي سيالۍ يي د سولي راوستو په موخه په لاره اچولي او دسولي په نوم يي هم نومولي دي .
د نوموړو سياليو لمړۍ لوبه په ميرويس نيکه ليسه کي د ميرويس ليسي او احمد شابابا ليسو تر منځ وسوه چي دوه د يو په مقابل کي ميرويس نيکه ليسي وګټله .
