کندهار : دفوټبال څلور ورځنۍ سيالۍ پاي ته ورسيدي

په کندهار کي دسولي په نامه دفوټبال سيالۍ پاي ته ورسيدي دغه سيالۍ چي د کندهار په ميرويس ليسه کي د کندهار د ځوانانو د اړيکو او معلوماتو د مرکز له لوري د سولي د ورځي په وياړ جوړي سوي وي ، تيره دوشنبه ٢٣ سنبله ٨٨ پاي ته ورسيدي . په د غو سياليو کي چي څلور ورځي يي دوام درلود، د کندهار ولايت د پوهني د رياست په همکاري څلورو مرکزي ليسو ميرويس ليسه ، احمد شابابا ليسه ، مشرقي ليسه او محمود طرزي ليسو پکښي ګډون کړي وو . ددي سياليو وروستى لوبي، ته د کندهار ولايت ميرويس ليسه او مشرقي ميدان ته راووتل ، چي په پايله کي لوبه دوه ،دوه مساوي او وروسته دفاينلټيو په وهلو سره ميرويس ليسي ،ددي سياليو لومړي مقام تر لاسه کي ، ددي سياليو ننداري ته دکندهار ولايت پر يو شمير نندارچيانو سربيره دکندهار دسپورټ امر ، دځوانانو امر او ګڼ شمير ښونکي او زده کونکي راغلي وه . دکندهار ولايت د ځوانانو د اړيکو او معلوماتو د مرکز د مسول سميع غيرتمل په وينا ددغه سياليو موخه د سولي له لاري سپورټ او په ځانګړي ډول د فوټبال لوبي ته وده ورکول دي . ديادوني وړده چي همدي مرکز په کندهار کي، دسولي دورځي د رارسيدو له امله، يو لړ فرهنګي ، سپورټي او ښونيز کارونه په لاره اچولي دي.