میرویس جلالزی
د افغانستان د کرکیټ ملي اتله لوبډله د یکشنبې په ورځ د سینګاپور لوبډلي سره سیالۍ ته ځان چمتو کوي.
د کرکیټ د شل اوریز سیالیو د غوراوي پړاو ته زمونږ لوبډله پرون ورځ ناوخته د عربي متحده اماراتو دوبۍ ښار ته رسیدلي ده.
د افغانستان ټیم به د لاندنې جدول پر اساس له خپلو رقیبانو سره لوبې کوي.
یکشنبه: افغانستان له سینګاپور سره
دوشنبه: افغانستان له هانکانګ سره
سه شنبه: افغانستان له متحده عربي اماراتو سره
چهارشنبه: افغانستان له سعودي عربستان سره
ویل کیږي چې د کرکیټ په دغه تورنمنت کې به افغانستان له خپلو سختو سیالانو عربي متحده اماراتو او هانک ګانک سره ډیري شدیدي لوبي وکړي او افغان ټیم له یادو دوو لوبډلو څخه څه نا څه خطر احساسوي.
د افغانستان د کرکیټ لوبډلي غړو په دوبۍ کې په خپل اقامت ځای کې د بینوا ویب پاڼي له همکار سره د خبرو پر مهال وویل چې دوي له خپلو ټولو هیوادوالو غواړی چې د افغان لوبډلي د بریا لپاره د دعا لاسونه د لوی خدای دربار ته پورته کړي.
