احمد لودين
د افغانستان د کرکټ لوبډلي نن د سعودي عربستان ملا ورماته کړه
افغانستان د کرکټ د اسيا شل اوريزو سياليو په ترڅ کې نن سعودي عربستان ته په لوبه کي په ماتې ورکولو سره پرله پسې څلورمه سيالي وګټله او دسعودي عربستان ملا يي ورماته کړه . په متحده عربي اماراتو کې د افغان ملي لوبډلې مرستيال روزونکي تاج ملک علم وويل چې د سعودي عربستان لوبډلې قرعه وګټله او لومړى يې په خپله لوبه (بيټنګ ) وکړ .هغه زياته کړه چې د سعودي د لوبډلې ټول لس واړه لوبغاړي په شلم اوور کې په ٧٢ منډو وسوځېدل او افغانستان ته يې اسان هدف وټاکه . د ده په وينا، د افغانستان ملي لوبډلې دغه هدف په ډېرې اسانۍ سره په اتم اوور کې د دوو لوبغاړو په سوځېدو ترلاسه کړ او پرله پسې څلورمه بريا يې ترلاسه کړه.
مخکي د افغانستان دکرکټ لوبډلي چين په ګونډو کړي وو ، سينګاپور يي هم له مځکي وهلي وو او تر نننۍ لوبي مخکي يي هانګ کانګ له پښو غورځولي وو او نن يي دسعودي عربستان ملا هم ورماته کړه
