میرویس جلالزی
د افغانستان د تکواندو لوبډله وتوانیده چې د جنوبي آسیا د سیف ګیم په سیالیو کې اتلولي خپله کړي.
د افغانستان تکواندو کاران د دې جوګه شول چې د سرو زرو د یوه، د سپينو زرو د یوه او د برونزو د دریو مډالونو په تر لاسه کولو سره د خپل هیواد ملي بیرغ د خپلو سیالانو د بیرغونو د کتار په سر کې راولي.
د تکواندو د سیالیو په وروستۍ ورځ د نارینه وو له ډلي شهاب الدین بکتاش او د ښځینه وو له ډلي څخه حسینا په دې وتوانیده چې افغانستان ته د برونزو د دوو مډالونو په ګټلو سره خپله لوبډله د اتلولۍ مقام ته ورسوي.
په دغو سیالیو کې هند او نیپال دوهم او دریم مقام خپل کړل.
