شهلا- عربي امارات
د افغانستان د کرکیټ ټیم د عربي متحده اماراتو ټیم په ګونډو کړ او له دې سره یې نړیوال جام ته د لارموندلو په لړ کې خپل یو بل منزل ته هم ورسیده.
د اماراتو په ابوظبۍ کې دغې لوبي ته په زرګونو تنه افغانان راغلي ول او د خپل ټیم بریالي توب یې په ډولونو، چک چکو او اتڼونو ولمانځل.
د بینوا ویب پاڼي همکار چې دغې سیالۍ ته ورغلی وو وایې چې ډیرو افغانانو د خپل ټیم بریا دومره هیجاني کړي ول چې له خوشهالۍ یې په سترګو کې اوښکي ښکاریدي.
افغان ټیم له دې دمخه سکاتنلد او ایرلنډ ته ماتې ورکړي وه خو تیره ورځ یې یوازي یوه ماته ومنله .
اوس به افغان ټیم وکولای شي چې نړیوالو سیالیو ته د لارموندني په لړ کې په وسټنديز کې په را روانو سیالیو کې برخه واخلي.
د بینوا ویب پاڼې خپلو ټولو هیوادوالو ته د هغوي د کرکیټ د اتل ټیم د بریالي توب مبارکي ورکوي.
