په مخکنۍ لړۍ کې مو Domain اوDomain Controller دروپیژندل اوس به همدغه لړۍ وغځوو اودوینډوز ډومین داناتومي په هکله به درته وغږیږو .
لکه په سرکې موچې وویل ډومین کوم نوی شی نه دی بلکه مایکروسافټ دWindows NT Server مارکیټ ته له راویستلو سره سم ډومین هم کاروونکو ته وروپیژندلو.یو ډومین کولای شی دیوې کمپنۍ دټولو کارونکوګڼونونه اوکمپیوټرونو ګڼونونه پکې جوړیدی اوکاریدلی شي .مګر که چیرې یوه کمپنۍ غواړي خپل نور فرعی دفترونه په نورو سیمو کې جوړ کړي نو کیدای شی دهر دفتر لپاره دډومین اړتیا ولیدل شي اویا هم که چیرې ستاسو کمپنۍ یوه بله کمپنۍ واخلي اوغواړي دغه کمپنۍ له خپل ځان سره یوه کړي نوښکاره ده چې هغې کمپنۍ به هم ډومین درلود، نو په دغو ټولو حالاتو کې موخه داده چې کیدای دیوې کمپنۍ کارونکي به غواړي دبلې کمپنۍ ډومین ته لاس رسی غواړي اودهماغه ډومین شریکې سرچینو څخه کاراخستل غواړي نوهمدا دلیل دی چې مایکروسافټ دTrust Domains خبره رامنځ ته کړه . فرض کړی زه دخپل ډومین Administrator یم زما په ډومین کې داسې شریکې سرچینې دي چې دبل ډومین کارونکي غواړي دغه سرچينې وکاروي اوس که زه په هماغه بل بهرني ډومین کې administrator ونه اوسم نوزه دهماغه ډومین دکارونکو په ګڼونونو اوکمپیوټر ګڼونونو هیڅ واک اوکنترول نه لرم پس زه باید په هماغه ډومین کې administrator باید واوسم اوکه زه دهماغه بهرنی ډومین په administrator باندې ډاډه واووپوهیږم چې کوم داسې کارنه کوي چې دسیستم دخرابي لامل کیدای شی نو بیازه باید دهمدغه ډومین سره دTrust اړیکې جوړې کړي نوزمونږ دواړوډومینونه به سره Trust Domains شي .لکه چې په سرکې مووويل چې ډومین له Windows NT سره کارونکوته وروپیژندل شو مګر دې سره ډیرې ستونزو شتون درلودهمدالامل وو چې Active Directory رامنځ ته شوه . Active Directory په خپل ځان کې داګټه لري چې ډومینونه نوریو له بل څخه لیرې نشي پاتې کیدلی لکه مخکې موچې بحث پرې وکړ په دې مانا چې په Windows NT کې ډومین یوخپلواک جوړښت لري نورفرعی یا لوړ جوړښتونه په کې نه وو.مګر په Active Directory کې داسې نه ده بلکه لومړنی لوړپوړی جوړښت پکې دForest په نامه یادیږي له Forest څخه لاندې جوړښت دTree په نامه یادیږي ، کیدای شي Forest په خپل ځان کې څو Tree ولري.
ددې لپاره چې ښه پوه شی راځي چې دډومین Tree له دکورنۍ له شجرې (Family Tree) سره پرتله کړو کورنۍ دنیکونو،نیاګانو،موراوپلار ماشومانو اوداسې نورو څخه جوړه شوي اودکورنۍ هر غړی دخپلې کورنۍ له غړیو سره اړیکې لرې چې یابه ترې لوړ وي یابه ترې ټیټ وي په دې مانا که اړیکه لوړه وي لکه ،نیکه ، نیا،مور، پلار اوداسې نوریاکه اړیکه ټیټه وي لکه زوی ، لور، لمسی ، لمسۍ اونور. دغه ډول اړیکې په ډومین کې هم شتون لري لکه Forest ،Tree ،OU اوداسې نور.
ددې لپاره چې داخبره ښه څرګنده شي نویوڅو نمونې به دلته وښیو. که زه یو ډومین ولرم example.com
بل ډومین ولرم Logar.example.com بل ډومین ولرمkandahar.example.com بل ډومین ولرم paktia.example.com نوتاسو به فکر وکړی چې ترټولو لوړبه example.com وي اودانوربه واړه وي خوکه دغه شان څومره نورډومینونه ولرو په دې شرط چې په اخر کې یې example.com وي نودغه ته مونږ Domain Tree وایو اوکه چیرې نورڅو ډومینونه ورسره یوځای شي دنمونې په توګه gandahara.com،paktis.com،razmak.com اوداسي نور په دغه صورت کې داټول یو Forest شوچې یوله بل سره شریکي اړیکې هم درلودی شی چې دTrust په نامه مو یاد کړ.
په سپیڅلې کلیواله مینه
ډاکټر ثواب الدین مخکښ
