میرویس جلالزی
په داسي حال کې چې ټاکل شوي د روانې میاشتې په دیرشمه نیټه په غرب الهند( وست انديز) کې د کرکیټ شل اوریزې سیالۍ پیل شي، دا دی سره له اوسه یو شمیر لوبډلې دغه ملک ته یا خو رسیدلي او یا هم ور رواني دي.
د پاکستان او افغانستان لوبډلې تر اوسه دغو سیالیو ته ندي ور رسیدلي او ټاکل شوي چې په راتلونکو دوو دریو ورځو کې دغه ځای ته ور ورسیږی.
د پاکستان د کرکیټ لوبډلې مشرې شعیب ملک کوي.
شعیب ملک په خپله یوه مرکه کې چې نن سهار خپره شوي ویلي چې دی به خپلې رقیبې لوبډلي ماتي کړي دا ځکه چې دا د ده سټایل دی .
شعیب ملک وویل چې ټیم یې دغو سیالیو ته پوره چمتووالی لري او حکومت ورسره پوره همکاري کړي او هیڅ راز کمی نه لیدل کیږي.
دا په داسي حال کې ده چې د افغانستان د کرکیټ لوبډله به له عربي متحده اماراتو څخه د غرب الهند پر لور حرکت وکړي خو دا نده څرګنده چې آیا افغان حکومت به له هغوي سره پوره مرسته کړي وي که څنګه .
