افغان کرکیټ بازانو ایرلنډ په دوستانه لوبه کې په ګونډو کړ

میرویس جلالزی د شل اوریزو سیالیو کې دوستانه لوبې رواني دي. د افغانستان د کرکیټ اتلې لوبډلې په ویست انډیز کې د دوستانه سیالیو پر مهال ایرلنډ په ګونډو کړ. افغان لوبډله وړمه ورځ ناوخته وست انډیز ته ورسیده او په پام کې وه چې د تیرې سې شنبې په ورځ لومړۍ لوبه له کوربه هیواد سره وکړي خو د سفر د ځنډیدو له امله په د ونه توانیده او نن یې ایرلنډ سره لوبه وکړه او لوبه یې وګټله. د کرکیټ لوبډلي بشر ستانکزي وویل چې افغان لوبډلې په ۱۳۳ منډو خپل رقیب مات کړ. په دغه دوستانه سیالۍ کې دولت احمدزي، کریم صادق، اضغر ښه بیټنګ وکړ او د رقیب مورال یې مات کړ. ټاکل شوي چې افغانستان به د شنبې په ورځ له هندوستان سره مسابقه وکړي. په دې لړ کې به د راتلونکي پنجشنبې په ورځ افغان کرکیټ بازان له جنوبي افریقا سره ډګر ته وزي او دمګړۍ ورته کلک تمرینات پیل شوي او افغان کرکیټ بازان په لوړ مورال د لوبې د را رسیدو شیبې شمیرې. د ایرلنډ هیواد له لوبډلې سره تر سیالۍ وروسته د لوبې تماشاچیانو ومنله چې د جګړه ځپلي افغانستان تنکۍ لوبډله ډیر لوړه کاري وړتیا لري او کولای شي چې د نړۍ څو مرتبه یې قهرمانې لوبډلې هم ډیر ژر په ګونډو کړي.