پښتو د ځوان څېړونکي او نوم وتي ژباړن محمود مرهون دوه نوي اثار له چاپه را ووتل
محمود مرهون د پښتو ادب هغه ځوان ستورى دى چي په لنډ وخت کي يې د ډېرو سترو کارونو په تر سره کولو سره يې پښتو او ځان دواړه ځلولي دي هغه خپلي ټولي هڅي په کار اچولي او د پښتو ادب لپاره يې خپل ټول وخت وقف کړى دى او له په پرله پسې توګه يې د پښتو مينه والو تر لاسو د هغوى د ذوق کتابونه او ادبي مواد ور رسولي دي.
دا اوس اوس د هغه دوه نوي اثار يو د نثر او بل د مينه ليکونو په نوم تازه له چاپه وتي دي،نثر د هغه نثري تيورى نوم دى چي په پښتو ادب کي يې لومړۍ نثري تيوري بللاى سو،په دې کتاب کي د پښتو ادب دورې او محتوايي،شکلي او طرزي ډولنه تقريباً د هغه ټول اثارو سره چي په دې ډولونو کي ليکل سوي دي بيان سوي دي.
دا کتاب په ٢٦١ مخونه سپين کاغذ او ښکلي صحافت په کابل کي د مستقبل خپرندويه ټولني لخوا چاپ سوى دى.
دوهم کتاب مينه ليکونه د نړيوالو نوابغو او خپله د مرهون هغه ادبي طرحي دي چي د ليکونو په شکل ليکل سوي دي،چي په اصل کي دا کتاب د ښاغلي مرهون د هغه ١٣ جلدي نثر ټوټو څخه دريم جلد دى چي دوه نور يې لا مخکي چاپ سوي دي.
دا کتاب په ښکلي صحافت سره د ميهن خپرندويه ټولني لخوا په پېښور کي چاپ سوى دى،ښاغلي مرهون ته د اوږده عمر د دعا سره په څنګ کي تاسو درانه مينه وال د دغو کتابونو و لوستلو ته رابول.
