د افغانستان فوټبال لوبډله د بوتان سره لوبه لري.

ټاكل سويده چي د روان ميلادي كال د مارچ په مياشت كي د هيواد د فوټبال ملي ټيم د هند هيواد ته ولاړه سي.
د هيواد د فوټبال ملي لوبډله به د مارچ د مياشتي پر شلمه نيټه د هند هيواد نوي ډهلي ته د لوبو كولو لپاره سفر وكړي.
افغان لوبډله به د مارچ په ۲۳ مه او ۲۵مه نيټه د بوټان هيواد سره په هند كي د فوټبال سيالى تر سره كړي.
خو ملي ډله د بوټان سره د رسمې لوبو مخكي كومه دوستانه لوبه نه لري.
نوموړي سيالى د اسيا د چلنج جام لوبو لومړني پړاوو ته د لارموندنې په موخه تر سره كيږي.
د ملي تيم سره به څلور هغه مهاجر افغان لوبغاړي په هند كي يوځاي سي،چي اوس مهال په اورپايي هيوادو كي د كډوالى شپي سبا كوي.
خو داځلي په ملي ټيم كي بلال اروز چي د هيواد په ملي ډله كي ښه ځليدلي وو،ګډون نه لري.
د هغه په مټ تيركال كي د جنوبي اسيا په سياليو افغانستان دوهم سو.
بلخوا كه چيري افغانستان د بوتان څخه خپله لوبه وګټي، نو په جي ګروپ كي به د سريلانكا ،نپال،او شمالي كوريا سره د لوبي ډګر ته راووځي