دخپریدو نیټه : 2012-01-08 مخپرونکئ : 039 - دبېنوا اداره - کابل
کابل : دځوانانو د تکواندو شپږم دور سیالۍ ترسره سوې
نجیب شریف
د افغانستان دځوانانو او تنکیو ځوانانو د تکواندو د شپږم دور سیالۍ په کابل کې ترسره شوې !
د افغانستان د تکواندو د شپږمې دورې د ځوانانو او تنکیو ځوانانو سیالۍ د روان کال د جدي د میاشتې په شپږمه نیټه د شنبې په ورځ په کابل کې تر سره شوې.
دغه سیالۍ چې په تایمني سیمه کې د تکواندو د ټولنې په مرکز کې په لاره اچول شوې وې پای ته ورسیدې، چې په پایله کې
یې ۲۸ تنو په اوه وزنونو کې د افغانستان د تکواندو ملي ټیم ته لار ومونده، او د افغانستان د تکواندو د ملي فدراسیون د مشر استاد عیدمحمد شیرزي له لوري په مډالونو او ستاینلکونو باندې ونازول شول.
