غزل

محبوبې ځان په اندېښنو کې وینم
 خلک دمینې خبرېدو کې وینم
 ستا مست نظر دویشتو نښه کړمه
 زه خپل زړګی ناسورزخمو کې وینم
 ستاپه خندا او په موسکاکې سوزم
 لېونۍ مینه ستا کتو کې وینم
 په انتظار دې شوګیرې کومه
 ټولې وعدې د بهانو کې وینم
 نور حوصله او قرارنه لرمه
 مینه دې ټوله ځورېدوکې وینم
 نژدې چې ته راته خیالونو کې شې
 غرور د ډېر نازو نخرو کې وینم
 داحمدزي هیلې موسکۍ شانته دي
 غوټۍ دمینې غوړېدو کې وینم