د مدني ټولنو همغږۍ مرکز له خوا د علمي او معلوماتي سمينارونو

د میدان وردګو ولایت په مرکز میدان ښار کې د میدان د مدني ټولنو د همغږۍ
 مرکز له لورې د علمی او معلوماتي سمینارونو پرانستغونډه جوړه شوه .
په دغه غونډه کې چې د اطلاعاتو او فرهنګ رياست د مولوي عبدالرب احدي په
 ګالرۍ کې جوړه شوې وه د ميدان وردګو سرپرست والي ، د یو شمېر ادارو
 مسؤلینو، مدني فعالانو ، د پوهنتونونو استادانو او ګڼو ځوانانو برخه
 اخیستې وه.
د غونډې په پيل کې د ميدان وردګو سرپرست والي ښاغلي عبدالمجید خوږیاڼي د
 دې سمينارونو په پيل خوښي وښوده اوياد سمينار يې د ځوانانو  د استعدادونو
 د لوړولو لپاره ارزښتمن وباله .
هغه وویل : د کارونو د شفافیت په موخه مسؤلین دنده لري،چې د اولسونو د
 پوهاوي په موخه خپل ترسره کړو چارو څخه مدني ټولنې خبر کړي .
د ميدان د مدني ټولنو د همغږۍ مرکز رييس اجمل هوډمن د مدني ټولنې او
 فرهنګ د تعريفونو په اړه ترتيب شوى پرېزنټشن وړاندې کړ او د مدني ټولنوپر
 اصليت او مسئوليت يې هر اړخيزه رڼا واچوله .
  د سمينار په بهير کې ګڼ شمېر ګډونوالو خپلې نظريې او پوښتنې واورولې او
 د ميدان وردګ ولايت د سمسورتيا او پرمختګ لپاره يې پخپلو ژمنو ټينګار
 وکړ.
په  پاى کې د ميدان د مدني ټولنو رييس اجمل هوډمن ژمنه وکړه چې په
 راتلونکو سمينارونو کې به د بشر دحقونو، ښې حکومتولۍ او فرهنګي چارو د ښه
 کېدا په موخه  ورته علمي او معلوماتي غونډې جوړې کړي او هڅه به وکړي څو د
 ولايت په کچه د ټولو مدني ټولنو همغږي رامنځته کړي.