ولسمشر غني: له دې وروسته به کورنیو مسایلوته پاملرنه ډیره کړو

ولسمشر اشرف غني وايي د کابینې تر بشپړېدو وروسته به د هېواد کورنیو مسایلو ته ډېره پاملرنه وکړي. غني دغه څرګندونې پرون له غرمې مخکې په ارګ کې د بادغیس ولایت له قومي مشرانو سره د لیدنې پرمهال وکړې. له ارګه په خپره شوې خبرپاڼه کې ویل شوي چې ولسمشر غني د حکومتولۍ په برخه کې د خلکو همکاري اړینه وبلله او د بادغیس له خلکو یې وغوښتل چې د خپلو اساسي ستونزو د هواري په هدف له حکومت سره همکاري وکړي