دخپریدو نیټه : 2015-04-18 مخپرونکئ : 128 - دبېنواخبریال - کابل
حامد کرزی نن جرمني او بیا اذربایجان ته ځي
احمد فیصل
پخوانی ولسمشر حامد کرزی هم نن جرمني او بیا اذربایجان ته سفر کوي. حامد کرزي ته نږدې سرچینې وايي چې نوموړی به د جرمني د «نارد راين وېسټفالېن» ایالت په مرکز کې، د دغه هېواد د حاکم او تر ټولو لوی ګوند سي ډي يو (CDU) له مشرانو سره وګوري. دغه راز به د همدې ايالت د بوخوم ښار په پوهنتون کې يو لکچر هم ورکړي. سرچينه زياتوي، چې د ولسمشر ټول سفر به لس ورځې وي او په همدې موده کې به د اذربایجان پلازمېنې باکو ته هم سفر ولري.
