په دي سيمينار کي د هېواد د کابل او يو شمير نورو ولايتونو تر څنګ د ډورنډ د کرښي د ها غاړي ليکوالانو او شاعرانو هم ګډون کړى وو .
په کندهار کې د پښتو ژبي د ځوان شاعر او ليکوال شهيد عبدالقديم پتيال د فرهنګي ژوند او علمي اثارو په مناسبت يو ورځنى علمي او څيړنيز سيمينار جوړ سو.
په دي سيمينار کي د هېواد د کابل او يو شمير نورو ولايتونو تر څنګ د ډورنډ د کرښي د ها غاړي ليکوالانو او شاعرانو هم ګډون کړى وو .
عبدالقديم پتيال چې د پښتو ژبي ځوان شاعر او ليکوال وو ، د کندهار د ولايت مقام مرستيال هم وو ، هغه څه موده مخکي په کندهار پوهنتون کې په خپله ټولګي کې وسله والو د تومانچې په ډزو وواژه .
د نوموړي د فرهنګي ژوند او علمي اثارو د څيړني په اړه نن سه شنبه په کندهار کې يو ورځنی سمينار حوړ سو .
ددي سيمينار پر مهال د کندهار سرپرست والي پوهاند توريالي ويسا عبدالقديم پتيال نه يوازي د ادب په برخه کې ځلانده ستورى ياد کړ ، بلکه هغه يې يې ښه سياسي ځوان هم وباله
د پښتو ژبي ليکوالانو او شاعرانو استاد عبدالرازق پالوال، لال پاچا ازمون، د کندهار پوهنتون ريس حضرت مير توتاخېل او د افغانستان د ملي راډيو ټلويزيون مشر زرين انځور ، پتيال هغه کس وباله چې د څيړني او تحقيق په برخه کې يې د پام وړ استعداد لاره.
هغوى د عبدالقديم پتيال سره د خاطرو ترڅنګ د ځوان علمي قشر د راپورته کيدو او په برخه کي د پوره پاملرني په اړه خبري وکړي.
په دي سيمينار کي د ځوانو کدرونو په را مخ ته کيدو او په پښتو ادب او افغاني سياست کې د نويو ګډونوالو د روزني پر برخه زيات ټينګار وسو .
عبدالقديم پتيال په خپلو هڅو د هيواد د لويو ليکوالانو ۷۰ ډول ډول او څلور خپل اثار چاپ کړي دي .
سمينار ته افغان ولس مشر هم پيغام راليږلی وو او د عبدالقديم پتيال په اړه يې څرګندوني کړي وې .
