دخپریدو نیټه : 2015-05-05 مخپرونکئ : 128 - دبېنواخبریال - کابل
د مدیرترانې په سمندر کې لسګونه کسان په اوبو کې مړه شوي
احمد فیصل
د (سیف د چلډرن) په نامه مرستندویه اداره وايي لسګونه کډوال هغه مهال ووژل شول چې یوه کښتۍ چې ۱۳۷ کسان په کې سپاره وو د مدیترانې په سمندرګي کې ډوبه شوه. دغه مرستندویه ادارې د ژوندي پاتې شویو کډوالو له خولې ویلي، داسې مهال چې یوه ژغورونکې بېړۍ پر لاره وه، شاوخوا ۴۰ کسان سمندرګي ته وغورځېدل. ژغورل شوي کسان د سې شنبې پر ورځ د ایټالیې کتانیا ښار ته ورسېدل. سږ کال لږترلږه ۱۷۵۰ کسان د مدیترانې سمندرګي نه د پورې وتو په هڅه کې وژل شوي، چې دا د ۲۰۱۴ کال تر همدې مودې د مړو شویو کسانو ۲۰ چنده دي.
