دخپریدو نیټه : 2015-05-10 مخپرونکئ : 128 - دبېنواخبریال - کابل
په یمن کې سبا د ۵ ورځو لپاره اوربند پیلیږي
احمد فیصل
په يمن کې حوثيان وايي د سعودي عربستان له خوا د اوربند اعلان ته به مثبت ځواب ورکړي. د تېر مارچ پر ۲۶ مه، سعودي عربستان د حوثيانو پر وړاندې هوايي بريدونه پيل کړي. سعوي عربستان د پنځو ورځو د اوربند اعلان کړی چې د سې شنبې پر ورځ به پيل شي. ملګري ملتونه وايي د سعودي عربستان هوايي بريدونو نژدې ۱۴۰۰ کسان وژلي چې زياتره يې ولسي وګړي دي. شيعه حوثي ياغيان چې د يمن له شمالي برخو دي، تېر کال يې د حکومت پر وړاندې بريدونه پيل کړي چې اوس مهال د هېواد زياته برخه تر ولکې لاندې لري.
