د ۳۱ یرغمل شویو مسافرو له ډلې شپږ تنه مړه شوي

د هغو ۳۱ یرغمل شویو مسافرو له ډلې چې ۱۹ تنه یې پرون ازاد شول شپږ تنه یې وژل شوي دي. والسټریټ ژورنال ورځپاڼې د یوه قومي مشر له قوله ویلي چې پنځه تنه وسله وال اعدام کړي او یو کس چې عمر یې ډېر و پر خپل مرګ مړ شوی دی. د میرزاخان په نوم دغه قومي مشر ویلي چې په وژل شویو کې یو کس یې د افغان پوځ سرتېری و. سره له دې چې ولسمشر اشرف غني وايي د ازادو شویو کسانو پر سر تبادله نه ده شوې خو د زابل د ولایتي شورا مشر ویلي چې د دغو کسانو د خلاصون په بدل ۲۲ ازبکان چې ښځې او ماشومان هم په کې شامل و، ازاد شوي دي.