دخپریدو نیټه : 2015-05-16 مخپرونکئ : 128 - دبېنواخبریال - کابل
د بې پیلوټه الوتکې په برید کې ۵ وسله وال وژل شوي
احمد فیصل
چارواکي وايي چې د ننګرهار په بټي کوټ ولسوالۍ کې د بې پيلوټه الوتکې په بريد کې د یو سرګروپ په ګډون پنځه وسله وال وژل شوي او یو ټپي دی. د ننګرهار د امنیې قوماندانۍ وياند سمونيار حضرت حسين مشرقيوال وايي وړمه شپه بې پيلوټه الوتکې د کوټ په چهادري سيمه کې وسله وال په نښه کړي. نوموړی زياتوي چې په دې بريد کې د طالب سرګروپ مصلح الدين په ګډون پنځه طالب وسله وال وژل شوي او یو بل يې ټپي شوی دی. نوموړي ويلي چې دا وسله وال په سراچه موټر کې له سيمې د تېريدو په حال کې وو چې بريد پرې وشو. د مشرقيوال په خبره دغو وسله والو په کوټ ولسوالۍ ورانکاري فعاليتونه ترسره کول او په ډېرو پېښو کې يې لاس درلود.
