د پګواش دوهمه مقدماتي غونډه نن په دوبۍ کې جوړیږي

په قطر کې د پګواش نړیوالې موسسې له خوا د افغانستان په اړه د کیدونکې دویمې ناستې مقدماتي غونډه نن په دوبۍ کې جوړیږي. د دوبۍ غونډې یوه تنظيموونکي ویلي چې په غونډه کې به د قطر د راتلونکې غونډې لپاره پر اجنډا خبرې وشي. سرچینې زیاته کړه، چې په غونډه کې به له کابل څخه ورغلې يو شمېر څېرې او د طالبانو استازي ګډون ولري. د سرچینې د معلوماتو له مخې، له کابل څخه به میرویس یاسیني، قیوم کوچی، قطب الدین هلال او سید اسحاق ګیلاني ګډون وکړي. سرچینه زیاتوي چې په دې غونډه کې د شیرمحمد عباس ستانکزي په مشرۍ د طالبانو دوه کسیز پلاوی هم ګډون کوي.