په کندهار کې د پښتو ژبي د لوی ليکوال او توکم پوه ډاکټر عبدالرازق پالوال د علمي او ادبي ژوند په اړه لويه څيړنغونډه جوړه سول .
په کندهار کې د پښتو ژبي د لوی ليکوال او توکم پوه ډاکټر عبدالرازق پالوال د علمي او ادبي ژوند په اړه لويه څيړنغونډه جوړه سول .
دا علمي او څيړنيزه غونډه د کندهار پوهنتون اړوند د پاچاخان د علمي او څيړنيز مرکز له لوري جوړه سوي او مالي لګښت يې د غازي نقيب الله د ښيګڼي د بنسټ مشر کليم الله نقيبي ورکړی دی .
غونډي ته د هيواد د مرکز کابل تر څنګ د يو شمير نورو ولايتونو ليکوالان او فرهنګۍ کړۍ هم را بلل سوي وه .
د کندهار پوهنتون د پاچاخان د علمي او څيړنيز مرکز مشر او د کندهار پوهنتون استاد څيړندوۍ اينجينر شيرشاه رشاد د خپلي وينا پر مهال د ډاکټر عبدالرازق پالوال د ژوند ليک تر څنګ د هغه د پراخو علمي او اکاډيميکو فعاليتونه يادونه وکړل .
نوموړي وويل چي ښاغلي پالوال د جاپان ، امريکا او هند يو شمير ختيڅ پيژوندونکواو څيړونکو ته هم د پښتو ژبي زده کړي ورکړي دي .
څيړنغونډي ته د اطلاعاتو او فرهنګ وزير عبدالباري جهاني هم پيغام راليږلی وو په پيغام کي د ښاغلي پالوال د علمي ژوندانه هځي ستايل سوي وي او د کندهار پوهنتون د مشرتابه څخه مننه سوي وي چي خپل علمي کدرونه په ژوندوني ستايي .
د کندهار مرستيال والي عبدالعلي شمسي په وينا هم په خپله وينا کي د ژوندويو هستيو د ستايني اقدام وستايه او غوښتنه يي وکړل چي دې فرهنګ ته د غوړيدو دپاره بايد هځي وسي .
غونډي ته د کندهار پوهنتون علمي مرستيال اينجينر عبدالتواب بالاکرزي او يو شمير نورو ويناوالو هم ويناوي وکړې .
ډاکټر عبدالرازق پالوال د دوکتورا په کچه لوړي زده کړي کړي او د نړۍ په پرمختللو هيوادونو کي يې يو شمير پوهانو ته د پښتو ژبي تدريس هم کړی دی .
نوموړی لسګونه ادبي او علمي اثار لري چي يو شمير يې چاپ سوي او يو شمير يې بې چاپه پاته دي .
