دخپریدو نیټه : 2015-06-16 مخپرونکئ : 090 - دبېنواخبریال -کابل
په ارزګان کي چاودني ( ۱۶) ملکي وګړو ته مرګ ژوبله واړول .
لودين
د ارزګان په دهراود ولسوالۍ کي د سړک د غاړي ماين چاودني شپاړسو ملکي وګړو ته مرګ ژوبله واړول .
چاودنه نن تر غرمې مخکي يوولس بحې د دې ولسوالۍ د ( جمبرک کوتل ) په سيمه کي د ملکي وګړو پر دوو لنډکروزر ډوله موټرونو باندي وسول.
د ارزګان د والي وياند دوست محمد ناياب وايي ، چي په دې پيښه کي دوه ملکي وګړي وژل سوي او څوارلس نور ټپيان دي .
وژل سوي کسان دواړه نارينه دي او په ټپيانو کي درې ښځي هم شاملي دي .
ناياب وايي چي د يو شمير ټپيانو حالت نازک ښودل سوی دی .
ياد موټرونه د د هراود ولسوالۍ څخه کجران ولسوالۍ ته په لاره وه چي د دې پيښي سره مخ سول ، محلي مقامات ايښودل سوی ماين د وسله والو طالبانو له لوري بولي خو خپله وسله والو طالبانو په دې اړه څه نه دي ويلي .
