دخپریدو نیټه : 2015-06-21 مخپرونکئ : 128 - دبېنواخبریال - کابل
ولسمشر غني د ملګرو ملتونو د مرستندوی دفتر یوناما له مشرتابه سره کتلي
احمد فیصل
ولسمشر اشرف غني وايي په ټاکنیز نظام کې هر ډول اصلاح به د ټاکنیزو کمېسیونونو او اړوندو ادارو د وړاندیزونو او د افغانانو د ملي اجماع پر بنسټ رامنځته شي. نوموړي په افغانستان کې د ملګرو ملتونو د مرستندوی دفتر یوناما له مشرتابه سره په کتنه کې ویلي چې په ټاکنیز نظام کې د اصلاح پر مهال به خپل نظر پر خلکو ونه تپي، بلکې د خلکو وړاندیزونو ته به هم په اصلاحاتو کې ځای ورکړي. ولسمشر ویلي چې اصلاحاتو به د یوه مشخص میکانیز له لارې رامنځته چې له لارې به یې د ټاکنو داسې یو سیستم جوړ شي چې د ټاکنو لګښت کم او شفافیت یې لوړ شي.
