دخپریدو نیټه : 2015-07-30 مخپرونکئ : 128 - دبېنواخبریال - کابل
طالبانو ومنله چې د دوی مشر ملا محمد عمر مړ شوی
احمد فیصل
د طالبانو مشرتابه شورا د یوې رسمي اعلامیې په ترڅ کې د خپل مشر ملامحمد عمر مرګ تایید کړ.د طالبانو اعلامیه، چې د هغوی په رسمي ادرس رسنیو ته رسیدلې وايي، چې ددوی مشر ملامحمد عمر د ورپېښې ناروغۍ له امله مړ شوی دی. طالبانو په دې اعلامیه کې، چې د ملاعمر کورنۍ هم پکې یاده شوې، د طالبانو ددغه مخکیني مشر پر فعالیتونو خبرې شوې دي. طالبانو په دې اعلامیه کې راتلونکې درې ورځې د ملاعمر لپاره د ختمونو او فاتحو لپاره بیلې کړې دي.په اعلامیه کې د ملاعمر ورو ملا عبدالمنان او زوی مولوی محمد یعقوب له خلکو غوښتنه کړې، چې که د ملاعمر له خوا یې حقوق تلف شوي بښنه ورته وکړي.
