دخپریدو نیټه : 2015-08-09 مخپرونکئ : 128 - دبېنواخبریال - کابل
د هلمند سنګين کې شپږ پولیس وژل شوي دي
احمد فیصل
د هلمند په سنګين ولسوالۍ کې په مرموز ډول شپږ پوليس وژل شوي، دوه ټپيان دي او يو بل نادرکه دى. د هلمند په سنګين ولسوالۍ کې يوې امنيتي سرچيني پژواک خبري اژانس ته ويلي چې تېره شپه د دې ولسوالۍ د ګونبدې په سيمه کې پر يوې امنيتي پوستې طالبانو بريد کړى دى. هغه وايي چې تر بريد وروسته شپږ پوليس وژل شوي، دوه ټپيان دي او يو بل لادرکه دى. سرچينه زياتوي: ((دا اوس معلومه نه ده چې دغه پوليس طالبانو وژلي او که خپل هغه ملګري يې وژلي چې اوس لادرکه دى. (( دغه راز د هلمند يوې امنيتي سرچينې هم ياده مرګ ژوبله تاييد کړه او ويې ويل چې تر اوسه د يادو پوليسو د وژل کېدو په اړه کره څه نه دي ترلاسه شوي.
