د قلم لار مدني ټولنې په افغانستان کي د سواد نریواله ورځ ولمانځله.

د ۱۹۶۵ کال د نوومبر په ۱۷ د سپټمبر ۸ له خوا د سواد د نړیوالې ورځي په توګه ونومول سوه. او هیله وښودل سوه چې د دی ورځې په لمانځلو سره به د نړی په ګوټ کوټ کی د سواد د کچې د لوړولو په برخه کی کوښښونه سوی او دا به د سواد د سطحي د لوړولو په برخه کی یو نېک ګام وې.
نن (درې نۍ) چی د سپټمبر له ۸ می سره یی سمون خوري د قلم لار ټولنې له خوا څخه په ګڼ شمېر ولایتونو کی دا ورځ ولمانځل سوه.
دا په داسې حال کی چی د سواد په برخه کی لا د شته ستونزو ډېره کمه برخه هواره سوی او د مسلو چارواکو او اورګانو د نه پاملرنې له امله نور هرڅه په خپل ځای پراته دی.
د قلم لار مدني ټولنې له خوا څخه په جوړو سوو مراسمو کی چی د هیواد په اکثریت ولایتونو کی یی نیولی و؛ زیات شمېر ماشومانو د بندو مکتبو د خلاصېدو غوښتنه وکړه او تعلیم یی د ځان حق وګاڼه. په یادو مراسمو کی چی د نن په لاره اچول سوی وو له زیات شمېر زده کونکو سره د قلمونو کتابچو، کالیو، مرسته وکړه او زیات شمېر کسان چی له دوولسمو ټولګو یو څخه فارغ سوی و شخصی پوهنتونو ته په ۱۰۰٪بخفیف سره معرفي کړل.
د قلم لار مدني ټولنې غړي فرید الله وویل چی د دوی په ملاتړ او غوښتنه ګڼ شمېر نجونې او هلکان مکتوبو ته تللی او په شه ډول سره خپلې زده کړي پرمخ بیایې او هيله یې وښوده چی په راتلونکي کې به دا بهیر نو هم چټک او غښتلی کړي.
د قلم لار مدني ټولنه چی د هیواد په ټولو ولایتونو کی یی خپل فعالیت په چټکۍ سره روان ده او د بندو مکتبونو د بیر ته خلاصولو، وړ شاګردان و شخصي پوهنتونو ته له ۷۰٪ څخه په زیات او ۱۰۰٪ تخفیف معرفي کولو، د قرطاسیی په برخه کی کومک، په لری پرتو سیمو کی زده کونکو ته کورسونه، کتابتونو، او ورزشي کلپونو د جوړولو، له اطرافو څخه هغه ماشومان ښارونو ته راوستل او په مکتب کی شامل کول چی په اطراف کی یې مکتبونه بند وې، د بندو مکتوبونو د خلاصون لپاره نه ستړی کیدونکې هڅی او کوښښونه چې په مټ یی زیات شمېر بند مکتبونه خلاص کړی، د نجونو د تعلیم په برخه کی کار کوې، نن وویل چې په کوم وخت کی به ډېرو زده کونکو ته د زده کړو زمینه برابره کړی. د هیواد تعلیمې روند ته به نوی رنګ ورکړې، د خلګو او حکومت په منځ کی په تعلیمي برخه کې یو له تفاهمه ډک چاپیریال جوړ کړې.