ایران په افغان سوله کې دپاکستان هڅې وستایلې

ایران وايي هیواد یې په افغانستان کې د سولې د راوستلو په برخه کې د پاکستان د هلو ځلو ملاتړ کوي.دا څرګندونې د ایران د ملي امنیت د عالی شورا منشي علي شامخاني پاکستان ته دیوه رسمي سفر پرمهال کړي دي .شامخاني د پاکستان د صدراعظم د سلاکار سرتاج عزیز سره په ګډ خبرې کنفرانس کې وویل، ایران غواړي په افغانستان کې سوله راشي او د پاکستان له هغو کوښښونو ملاتړ کوي چې په افغانستان کې د سولې د خبرو لپاره کوي.شامخاني داڅرګندونې په داسي حال کې کوي،چې افغان لوری وايي پاکستان د سولې په راوستلوکې رښتیني همکاري نه کوي.