دخپریدو نیټه : 2015-11-08 مخپرونکئ : 128 - دبېنواخبریال - کابل
پاکستان د افغانستان په اړه په یوه جوړېدونکي کنفرانس کې د هند د بهرنیو چارو وزیرې ته د ګډون بلنه ورکړې
احمد فیصل
پاکستان په اسلام اباد کې د افغانستان په اړه په یوه جوړېدونکي مهم کنفرانس کې د هند د بهرنیو چارو وزیرې ته د ګډون بلنه ورکړې ده. د پاکستان د بهرنیو چارو وزارت یوه لوړ پوړي چارواکي اکسپرېس ټرېبیون ورځپاڼې ته ویلي د هند په ګډون ۲۵ هېوادونو د بهرنیو چارو وزیرانو ته بلنه ورکړل شوې چې د افغانستان په اړه د اسیا د زړه هېوادونو په کنفرانس کې ګډون وکړي. هندي ديپلوماتنو هم د پاکستان د بلنې خبره منلې خو ویلي یې دي چې تر اوسه یې په دغه کنفرانس کې د ګډون په اړه پرېکړه نه ده کړې. د اسیا د زړه هېوادونو راتلونکی کنفرانس په اسلام اباد کې د ډسمبر میاشتې په اوومه او اتمه نېټه جوړېږي.
