دخپریدو نیټه : 2015-12-06 مخپرونکئ : 128 - دبېنواخبریال - کابل
په ننګرهار کې ځانمرګی برید شوی
احمد فیصل
د ننګرهار سرخرود ولسوالۍ کې موټر بم چاودنه شوې، چې چارواکي په کې د دریو پولیسو په ګډون د ۶ کسانو د ټپي کیدو خبر ورکوي. چارواکي وايي، چاودنه نن سهار شاخوا ۶ بجې او ۱۰ دقیقې د دغه ولسوالۍ د بازار په عمومي سړک شوې ده.
د ننګرهار د والي ویاند عطاء الله خوګیاڼی وايي چې چاودنه کې د ولسوالۍ د بازار ۲۵ هټۍ تخریب شوي او دغه راز د ولسوالۍ د ا منیه قوماندانۍ وداني هم زیانمنه شوې ده.هغه وویل، لومړني معلومات ښيي، چې په چاودنه کې ۳ پولیس ټپيان شوي دي بلخوا روغتیايي سرچینې وايي، چې د چاودنې له ځایه ورته ۶ ټپيان وروړل شوي دي.
عیني شاهدان وايي، چې چاودنه دومره زوروره وه، چې تر لرو لرو سیمو یې د کورونو ښیښې ماتې کړې دي. تر اوسه کومې وسلوالې ډلې د دغې چاودنې مسولیت پر غاړه نه دی اخیستی.
