خدای دي نه کوي بدرنګه چي دا کلی به بیا وران وي
دوه مین به سره ورک وي ، دوه مین به قاتلان وي
یا به هلته یو څوک ژاړي ، یا به دلته توره شپه وي
یا به هلته چنار سوځي ، یا به دلته فرنګیان وي
اوس ددغه وطن خلګ دغه دوه له خدایه غواړي
یو یې خپل جانان وطن وي ، یو یې ځان سره جانان وي
کاش چي امن وای زړګیه ، کاش دا خلګ متحد وای
دلته یو دی ، دلته بل دی ، دلته هر یو د وخت خان وي
کله غم کړي کله یاد کړي کله داسي غزل لیکي
یو میرویس وي بل پوپل وي تل و یو بل ته حیران وي
