بل دوران

 وخت به په دی خاوره دګلونو باران راولي
 بیا به پسرلی شي خدای به تللي توتیان راولي
 بیا به للمی ګل شي دغاټولو به سیلونه شي
 بیا به درامبیل او دریدیو دوران راولي
 تاله به په زیري کی ګلاب څڼو له راوړمه
 خدای به په دی للمو بیا مستي دباران راولي
 خیر که سرداران می دبادار دهیلو ښکار شولو
 خدای به می په قوم کی سر سپارلي ځوانان راولي
 دواړه به کډوال زړونه په یو بل باندی وسپارو
 ماله به جونګړی له سپرلی خپل جانان راولي
 ته به قلم پورته کړی او زه به ټوپک وارتووم
 زده کړی به په زړونو کی یو نوی پیمان راولي
 بیا که خدمتګاره لوی افغان ولس را پاڅیده
 بیا به په نړۍ کی بل دوران دافغان راولي