مرستیال والي عبدالعلي شمسي وویل چي عام خلګ له یوي اداري غټي غټي غوښتني لري خو په امکاناتو ا صلاحیتونو يي نه وي خبر.
چارواکي وايي چي ولس ته د دولتي ادارو د مسئولینو د حساب ورکولو پروسه ډیر ګټوره ده او عام ولس ته د یوي اداري په اړه بشپړ معلومات پکښي وړاندي کیږي.
ولس ته د دولتي مسئولنو د حساب ورکولو په څلورم پروګرام کي د د عامي روغتیا ریاست او کندهار پوهنتون مسئولینو د خپلو ریاستونو اړوند معلومات وړاندي کړل.
غونډي ته لومړی د کندهار د عامي روغیتا رئیس ډاکټر عبدالقیوم پخلا د خپل ریاست اړوند معلومات وړاندي کړل.
نوموړي په خپلو خبرو کي وویل په روان کال کي په دي توانیدلي چي د خپل ریاست اداري تشکیل ټول پوره کړي.
پخلا وايي چي یوازي په مسلکي برخه کي د مسلکي کسانو د کمبود ستونزه لري چي په وینا يي کیدایسي په راتلونکي کال کي به يي حل کړي.
پخلا وايي چي په روان ۱۳۹۴ کال کي يي د روغتیا په برخه کي لس لوي پروژي پلي کړي.
ډاکټر پخلا وویل چي د دقیقي سرشمیرني د نشت له امله دکندهار نیمايي نفوس له روغتیايي اسانتیاوو څخه بي برخي دي.
غونډي ته د کندهار پوهنتون علمي مرستیال عبدالتواب بالاکرزي هم دکندهار پوهنتون د فعالایتونو اړوند معلومات وړاندي کړل.
بالاکرزي په خپلو خبرو کي په پوهنتون کي محصلینو ته د ډیرو اسانتیاوو د برابره ولو خبر ورکړ.
نوموړي وویل که مرکزي دولت ورته ډیر صلاحیت ورکړي نو د کندهار پوهنتون په پرمختګ کي به ډیر مثبت رول ولري.
بلخوا د کندهار مرستیال والي وايي چي ولس ته د دولتي ادارو د مسئولینو د حساب ورکولو پروسه ډیر ګټوره ده او عام ولس ته د یوي اداري په اړه بشپړ معلومات پکښي وړاندي کیږي.
مرستیال والي عبدالعلي شمسي وویل چي عام خلګ له یوي اداري غټي غټي غوښتني لري خو په امکاناتو ا صلاحیتونو يي نه وي خبر.
نوموړي وویل چي ولس ته د دولتي مسئولینو د حساب ورکولو پروګرام ځکه ډیر ګټور دي چي عام ولس د یوي اداري له امکاناتو صلاحیتونو او کړونو څخه خبریږي.
د کندهار د والي همایون عزيزي په نوښت ولس ته د حساب ورکولو د پروګرام ترڅنګ یوه بله کمیټه هم د دولتي ادارو څخه نظارت کوي ترڅو عام ولس ته ښه خدامات وړاندي سي.
