((آی ایس آی ته مې دومره ډېر رشوت ورکړی، چې د چا باور پرې نه کیږي))

د پاکستان تر ټولو ستر سوداګر ریاض حسین ادعا کړې، چې د دغه هېواد استخباراتي ادارې (ISI) ترې رشوت اخیستی. نوموړي له رویټرز خبري اژانس سره په مرکه کې ویلي، چې په پاکستان کې د فساد له کبله دی او شتمنۍ یې تر ګواښ لاندې دي. ریاض حسین ویلي، نورې دولتي ادارې پر خپل ځای، آی ایس آی هم ترې دومره رشوت اخیستی چې د اورېدونکو باور پرې نه کیږي. د پاکستان دي نیوز ورځپاڼې د نوموړي په اړه لیکلي، چې ۳۰ کاله وړاندې یې د زوی د تداوۍ لپاره د کور سامان پلورلی او هماغه مهال یې په ۱۵ سوه پاکستانۍ کلدارو کار و بار پېل کړی، چې دا مهال د پاکستان ډېری پوځي مرکزونه د ده په جایدادونو کې جوړ شوي دي.